Biso² la budok loni deh buleh tapau A belako.
Jame che kak, dapat pangkat 1 pun braso tak dok aroh nok royak doh perasae. Walhal bukan semua A pun.
Kalu loni kiro pangkat agreget lagi gak, semeseh jah kali set² demo loni tapau.
Tahniah la belako adik² semua yang berjaya dalam spm. Eh pakak anok doh ni bukan adik doh.
Teruskan usaha untuk timba ilmu pengetahuan dalam mengejar cita² dan impian. Panjang lagi perjalanan hidup kalian.
Berjaya atau tidak sebenarnya terletok pada target kito. Tengok pado kemampuan kito. Contohnyo che kak target tok sir ado G, lepas tu dapat B+, kiro cemerlang doh tu. Haaa gitu, dik. Eh anok.
Che kak sebagai ibubapa pun target dan harapan ikut kemampuan anok. Setiap anok tok samo kemampuannya.
Lepas tu, tengok pulok diri sendiri. Kalu kito sendiri tok leh tapau A belako, pah nok maroh ko anok tok leh A belako.
Hok penting sokongan dan dorongan serta sentiasa doa untuk kejayaan anok².
Bilo doh berjayo kutip hasil penat leloh selamo 2 tahun, mestilah raso happy. Kalu ado yang nok share kat mukobuku, biaqlah kan. Sekurang²nya menjadi inspirasi kepado ore lain pulok.
Hok penting sekali memori daun pisang tubik tahun depe pulok. Haha.
Kalu raso tok suko pesta A di muko buku, tok soh duk buat akaun media sosial. Duk diam2 dalam guo.
Apo salohnyo ore nok rai kejayaan anok². Bukannyo dio hino ore pun. Kalu dio hino ore tu baru kito gi pakat nyekeh atas dahi dio. Haha.
Perasae suko anok2 berjayo dengan cemerlang ni takdok aroh nok royak wei. Tapi kalu anok tok berjayo, kito doalah baik². Wi kato² semangat untuk teruskan cari ilmu.
Sajo nulis bele² tunggu klinik. Anok sakit gigi pulok doh.