Ore dulu tok panggil period tapi uzur syar'ie. Dulu naik sekoloh menengoh baru dio mari. Loni kalu darjoh 6 tok mari lagi, meme dio lambat benar doh ni.
Dulu soyok kain batik lamo wat alas maso mari. Basuh cuci cuci jemur susuk pado mmato ore sebab malu kalu ore tahu mugo goni.
Kalu beraso hilir sikit gak paka hok jenamo sanita kotok besar. Maso beli tauke keda bukuh dengan surat kabar.
Malu nok gi beli sendiri suruh adik kecik gi bbeli. Loni mace mace jenamo ado di pasaraya loni. Selamber beli letok dale troli.
Kalu ngepeng di tv, Masya Allah sero nok tepuk dahi.
Sayap, kepok, nipih, tebal, siye hari, male hari, ado belako saiz besar kecik. Sedio pitih jah kalu nok seleso mahupun wangi.
Pah kito pening nok pilih hok mano berkenan di hati. Baik gi beli sendiri jange suruh tok laki. Saloh beli kito jugok jadi bekeng supo rima sakit gigi.
Dulu kalu mari period malu nok royak kokre. Time semaye zohor di sejid sekoloh pun nyusuk alik tanggo jambe.
Dulu bile hari dengan jari loni download aplikasi. Buleh rance jadual harian dan aktiviti.
Loni pelik satu Malaysia tahu anok kito mari bulan tando dewaso. Sebagai ibubapo tanggungjawab kito ajar anok bab fardhu ain terutama kebersihan dan doso pahalo sudoh dikiro.
No comments:
Post a Comment